آندھرا پردیش میں ایک ہی خاندان کی تین خواتین نے خودکشی کر لی

مچلی پٹنم: آندھرا پردیش کے ضلع کرشنا کے اننت وئی پیٹ علاقے میں ہفتہ کے روز ایک ہی خاندان کی تین خواتین نے اپنے گھر میں چھت کے پنکھے سے پھندا لگا کر خودکشی کر لی۔

پولیس کے مطابق رجنی (60)، ان کی بیٹی گوری (40) اور بہو مادھوی (30) نے گھر میں چھت کے پنکھے سے لٹک کر اپنی زندگی کا خاتمہ کر لیا۔

پولیس کے مطابق گوری اپنے شوہر سے اختلافات کے باعث اپنی والدہ رجنی کے ساتھ رہ رہی تھیں۔ اسی معاملے پر خاندان کے درمیان تلخ کلامی ہوئی، جس کے بعد تینوں خواتین نے یہ انتہائی قدم اٹھایا۔

پولیس نے مقدمہ درج کر کے لاشوں کو پوسٹ مارٹم کے لیے سرکاری جنرل اسپتال (جی جی ایچ) منتقل کر دیا ہے۔ واقعہ کی مزید تحقیقات جاری ہیں۔