لداخ میں سیاحت نے پکڑی زبردست رفتار، سات ماہ میں بڑا سنگِ میل عبور

سری نگر :   لداخ کے سیاحتی شعبے میں رواں سال زبردست اضافہ دیکھا گیا ہے۔ 2026 کے پہلے سات ماہ میں یہاں آنے والے سیاحوں کی تعداد 3.30 لاکھ تک پہنچ گئی ہے، جو پورے 2025 میں درج کیے گئے سیاحوں کی مجموعی تعداد کے تقریباً برابر ہے۔ جون اور جولائی کے دوران ملکی اور غیر ملکی سیاحوں کی بڑی تعداد میں آمد سے اس اضافے کو خاص طور پر تقویت ملی۔

مرکز کے زیر انتظام علاقے لداخ میں جون اور جولائی، دونوں چوٹی کے مہینوں میں ایک لاکھ سے زیادہ سیاح پہنچے۔ ان دونوں مہینوں میں مجموعی طور پر 2.12 لاکھ سے زیادہ سیاح لداخ آئے، جو رواں سال اب تک کی کل سیاحتی آمد کا تقریباً 65 فیصد ہے۔

حکام نے بتایا کہ جون اور جولائی کے دوران سیاحوں کی آمد میں نمایاں اضافہ ہوا۔ ان دونوں مہینوں میں 2.12 لاکھ سے زیادہ سیاحوں نے لداخ کا رخ کیا، جو رواں سال اب تک ریکارڈ کیے گئے 3.30 لاکھ سیاحوں کا تقریباً 65 فیصد ہے۔

جولائی 2026 میں لداخ آنے والے سیاحوں کی تعداد 1,05,046 رہی، جبکہ جولائی 2025 میں یہ تعداد 67,273 تھی۔ اس طرح سیاحوں کی آمد میں 56.15 فیصد اضافہ درج کیا گیا۔ جولائی میں آنے والے سیاحوں میں 95,416 ملکی اور 9,630 غیر ملکی سیاح شامل تھے۔

جون میں بھی سیاحوں کی آمد میں نمایاں اضافہ ہوا۔ جون 2026 میں 1,07,740 سیاح لداخ پہنچے، جبکہ جون 2025 میں یہ تعداد 75,089 تھی۔ اس طرح سالانہ بنیاد پر 43.48 فیصد اضافہ ریکارڈ کیا گیا۔