امریکی صدر جو بائیڈن پھر گر پڑے (ویڈیو)

واشنگٹن: امریکہ کے معمر صدر جو بائیڈن ایک بار پِھر لڑکھڑا کر گر پڑے، تقریب میں گرنے کی ویڈیو سوشل میڈیا پر وائرل ہوگئی۔

امریکہ کے سب سے معمر صدر 80 برس کے جو بائیڈن کولوراڈو میں ائیرفورس اکیڈمی سے فارغ التحصیل ہونے والے کیڈٹس کو ڈگری دے رہے تھے، تقریب کے دوران پاؤں میں تار الجھنے سے گرپڑے۔

ویڈیو میں دیکھا جاسکتا ہے کہ اسٹیج پر موجود ائیرفورس کے اہلکاروں نے امریکی صدر کو سہارا دے کر اٹھنے میں مدد کی۔

سابق امریکی صدر ڈونالڈ ٹرمپ نے انتخابی ریلی کے دوران جوبائیڈن پر طنز کرتے ہوئے کہا امید ہے بائیڈن کو چوٹ نہیں لگی ہوگی۔

ڈونالڈ ترمپ نے کہا کہ انہیں چلتے ہوئے احتیاط کرنی چاہیے۔

دوسری جانب تقریب سے واپسی پر وائٹ ہاؤس میں دوڑتے ہوئے جوبائیڈن نے کہا میں مضبوط ہوں، مجھے کچھ نہیں ہوا۔