امریکی تجارتی عدالت نے ٹرمپ کو بڑے پیمانے پر ٹیرف عائد کرنے سے روک دیا

نیویارک: امریکہ کی ایک وفاقی عدالت نے ہنگامی اختیارات کے قانون کے تحت درآمدات پر بڑے پیمانے پر ٹیرف لگانے سے صدر ڈونلڈ ٹرمپ کو روک دیا ہے۔

امریکی میڈیا کی خبر کے مطابق، نیویارک میں قائم بین الاقوامی تجارتی عدالت کا یہ فیصلہ متعدد مقدمات کے بعد سامنے آیا ہے اوراس میں کہا گیا ہے کہ مسٹر ٹرمپ نے درآمدات پر بڑے پیمانے پر ٹیرف لگانے کے اپنے اختیار کا غلط استعمال کیا ہے۔