تلنگانہ ہائی کورٹ کو نئے سال میں میقاتی اور عام تعطیلات

حیدرآباد: تلنگانہ ہائی کورٹ نے ماتحت تمام عدالتوں جن میں ٹریبونلس اور لیبر کورٹس شامل ہیں، کیلئے سال2023 میں میقاتی چھٹیاں اور عام تعطیلات کی فہرست جاری کی ہے۔

ہائی کورٹ کے بشمول تمام ڈسٹرکٹ عدالتوں اورسیول ججس کو12 سے17 جنوری (2023) تل سنکرانتی کی تعطیلات رہیں گی۔

یکم تا 31مئی گرما کی میقاتی چھٹیاں رہیں گی۔ 8 سے31مئی تک سیول جج کی تمام عدالتوں (جونیر ڈیویژن بشمول برسرخدمت رینٹ کنٹرولر) کو گرمائی چھٹیاں ہوں گی۔

25 سے 27 / اکتوبر دسہرہ کی تعطیلات ہوں گی۔ عدالتوں کو 16 جنوری کو کنومو، 26 جنوری کو یوم جمہوریہ، 18فروری کو مہا شیوراتری، 8 مارچ کو ہولی، 22مارچ کو اگادی،30 مارچ کو سری رام نومی،5 / اپریل کو بابو جگجیون رام جینتی،7 / اپریل کو گڈ فرائی ڈے،14/ اپریل کو امبیڈکر جینتی اور22/ اپریل کو عید الفطر،29 جون کو بقر عید، 17 جولائی کو بونال،29جولائی کو محرم (یوم عاشورہ)،15/ اگست کو یوم آزادی،25/ اگست کو ورا لکشمی / وراتھم،7 ستمبر کو کرشنا اشٹمی، 19ستمبر کو ونائک چتورتھی، 28ستمبر کو عید میلاد النبیؐ،2 / ا کتوبر کو گاندھی جینتی،23/ اکتوبر کو مہا نومی، 24/ اکتوبر کو دسہرہ،27 نومبر کو کارتیکا پورنیما/ گرونانک جینتی، اور25 دسمبر کو کرسمس کی عام تعطیل رہے گی۔

اختیاری تعطیلات میں 4اپریل کو مہاویر جینتی، 18/ اپریل کو شب قدر،5مئی کو بودھا پورنیما، 20 جون کو رتھ یاترا،7 جولائی کو عید غدیر، 28 جولائی کو9محرم، 16/ اگست کو پارسی سال نو،31/ اگست کو راکھی پورنیما،6 ستمبر کو اربعین،27/ اکتوبر کو یازدہم شریف، 29 نومبر کو حضرت سید محمد جونپوری مہدی موعودؒ، کی یوم پیدائش اور 26دسمبر کوباکسنگ ڈے شامل ہیں۔