اداکارپون کلیان کی فلم کے سیٹ پر آگ لگ گئی

حیدرآباد: تلگو فلموں کے مشہور اداکارپون کلیان کی فلم ہری ہرا ویر املو کے سیٹ پر آگ لگ گئی۔ حیدرآباد کے نواحی علاقہ ڈنڈیگل کے بوررام پیٹ میں کل شب اچانک اس سیٹ کو آگ لگ گئی۔

اطلاع ملتے ہی فائر بریگیڈ کے عملے نے وہاں پہنچ کر آگ پر قابو پایا۔ اس واقعہ میں کوئی زخمی نہیں ہوا۔

ڈنڈیگل پولیس نے موقع پر پہنچ کر مقدمہ درج کر لیا اور اس معاملہ کی جانچ شروع کردی۔

کرش کی ہدایت کاری میں بننے والی اس فلم میں پون ایک ڈاکو کے کردارمیں نظر آئیں گے۔ بتایا جا رہا ہے کہ یہ فلم تقریباً 150 کروڑ کے بجٹ سے بنائی جا رہی ہے۔