لبنان میں ملائیشیا کے چھ امن فوجی زخمی

کوالالمپور: لبنان میں اقوام متحدہ کی عبوری فورس ( یو این آئی ایف آئی ایل) کے طور پر تعینات ملائیشیا کے امن دستوں کے چھ ارکان زخمی ہو گئے ہیں۔

ملائیشیا کی مسلح افواج (ایم اے ایف) نے جمعہ کو جاری کیے گئے ایک بیان میں کہا کہ یہ واقعہ جمعرات کو مقامی وقت کے مطابق دوپہر ایک بج کر 54 منٹ پر اس وقت پیش آیا جب امن دستے بیروت سے مرکہ کیمپ کی جانب بڑھ رہے تھے کہ ایک قریبی گاڑی پر حملہ ہوا، جس کے ٹکڑے ملائیشیا کے باشندوں کو لے جانے والی بس کو لگے۔

بیان میں کہا گیا ہے کہ ’’ایم اے ایف اپنے اراکین کی حفاظت اور بہبود کے لیے پرعزم ہے کیونکہ وہ اقوام متحدہ کے بینر تلے امن مشن چلاتے ہیں۔‘‘

واضح رہے کہ 8 اکتوبر 2023 سے لبنان اسرائیل سرحد پر حزب اللہ اور اسرائیلی فوج کے درمیان فائرنگ کا سلسلہ جاری ہے۔