متحدہ عرب امارات میں ویزٹ ویزا میں 90 دن تک آن لائن توسیع کی اجازت

ابو ظبی: متحدہ عرب امارات میں قومی شناخت‘ شہریت‘ کسٹم اور پورٹس سکیورٹی کے وفاقی ادارے نے رشتہ داروں کے ویزٹ ویزوں میں توسیع کے حوالے سے ترمیم جاری کی ہے۔

الامارات الیوم کے مطابق نئی ترمیم کے تحت رشتہ دار یا دوست احباب کے ویزٹ ویزے میں 90 دن تک توسیع ہو سکتی ہے۔ یہ ویزا ملٹی پل یا سنگل انٹری کے لیے

ہو۔وزٹ ویزے میں 30، 60 اور90 دن تک کی توسیع وفاقی ادارے کے ماتحت اسمارٹ چینل کے ذریعہ افراد اکاؤنٹ سے ہو سکتی ہے۔وفاقی ادارہ کا کہنا ہے کہ 90 روزہ ویزا ہولڈرس کے ویزے میں ایک بار 30 دن کی توسیع کی اجازت دی گئی ہے۔

اگر اقامہ کی میعاد 6 ماہ سے زیادہ کی ہو تو ایسی صورت میں اقامہ کی تجدید کی درخواست نہیں دی جا سکتی۔ نئی ترمیم کے تحت جی سی سی ممالک کے شہریوں کے اکاؤنٹ میں اماراتی آئی ڈی کے بغیر ویزا ڈیٹا کی منسوخی یا ترمیم کی سہولت بھی مہیا کی گئی ہے۔

متحدہ عرب امارات کے وفاقی ادارے نے 15 سہولتیں فراہم کی ہیں۔ ادارہ نئے حالات میں سامنے آنے والی ضروریات کو مدنظر رکھ کر ترامیم کر رہا ہے۔