پرانے شہر میں پولیس کا فلیگ مارچ

حیدرآباد: جشن میلادالنبیؐ اور گنیش تہوار ایک ہی دن ہونے کے پیش نظر ساؤتھ زون میں پولیس کا فلیگ مارچ کیا گیا۔

پولیس پریس نوٹ کے بموجب ساؤتھ زون کے میر چوک ڈیویژن میئر چوک‘ رین بازار اور بھوانی نگر پولیس اسٹیشنوں کے حدود میں پولیس نے فلیگ مارچ کیا۔

فلیگ مارچ کی نگرانی ڈپٹی کمشنر پولیس بی سائی چیتنیا نے کی۔ اس موقع پر ایڈیشنل ڈپٹی کمشنر پولیس سید جہانگیر اور میر چوک اسسٹنٹ کمشنر پولیس وینکٹیشور راؤ اور انسپکٹران ان کے ہمراہ موجود تھے۔

میر چوک اسسٹنٹ کمشنر پولیس وینکٹیشور راؤ نے میڈیا سے بات کرتے ہوئے کہا کہ کسی بھی قسم کی رکاوٹ کو برداشت نہیں کیا جائے گا۔ پولیس نے دونوں تہواروں کے موقع پر سخت ترین بندوبست کیا ہے۔