2 لڑکیوں کی درد شکم سے موت‘ خودکشی کا شبہ

منگلورو: دیہی ترقیاتی اسکیم کی سرویس نمائندہ کے طور پر کام کرنے والی دو لڑکیوں کی یہاں خانگی دواخانہ میں شدید درد شکم سے موت ہوگئی۔

لڑکیوں کی شناخت رکشیتا (22) اور لاونیا (21)، ساکنان پٹرامے موضع بیلتانگڈی تعلقہ دکشن کنڑ ضلع کی حیثیت سے کی گئی۔

رکشیتا کی موت جمعرات کی صبح جبکہ لاونیا کی دوپہر کو ہوئی۔ ان کی موت کی حقیقی وجہ معلوم نہیں ہوئی مگر ان کے زہرکھاکر خودکشی کرنے کا شبہ ہے۔

 4/ اپریل کو شدید درد شکم کی شکایت کے بعد لڑکیوں کو قریبی دواخانہ میں شریک کرایا گیا جہاں سے انہیں منگلورو منتقل کیا گیا۔ دونوں لڑکیاں قریبی سہیلیاں تھیں اور ایک ہی تنظیم میں ملازم تھیں۔ دھرم استھل پولیس نے کیس درج کرکے تحقیقات کا آغاز کردیا۔