حیدرآباد

لوک سبھا انتخابی ضابطہ اخلاق سے قبل مزید 2 ضمانیتں نافذ کردی جائیں گی: چناریڈی

چناریڈی نے کہا کہ باقی وعدوں کو لوک سبھا کے انتخابی ضابطہ سے پہلے نافذ کیا جائے گا۔ اس موقع پر چناریڈی نے سابقہ حکومت کی کارکردگی کو تنقید کا نشانہ بنایا۔

حیدرآباد: تلنگانہ منصوبہ بندی کمیشن کے نائب صدر چنا ریڈی نے کہا کہ وزیراعلی ریونت ریڈی نے حیدرآباد کے عوام کو اپنے مسائل اٹھانے کا موقع فراہم کیا ہے۔ انہوں نے کہا کہ وزیراعلیٰ نے پرجا وانی پروگرام کے انچارج کی حیثیت سے ان پر بھاری ذمہ داری عائد کی ہے۔

متعلقہ خبریں
چیف منسٹر کیمپ آفس کے سامنے پارٹی کارکن کا اقدام خودسوزی
رام بھی چیف منسٹر ریونت ریڈی کی کرسی نہیں بچا سکیں گے، ڈی اروند کا سنسنی خیز تبصرہ
میں بلیوں کونہیں بلکہ شیروں کونشانہ بناؤں گا۔چیف منسٹر کے تبصرہ کے بعد بی آر ایس کیڈرمیں ہلچل
تکوگوڑہ میں کانگریس کا جلسہ، منشور کی اجرائی، کھرگے، راہول، پرینکاگاندھی کی شرکت متوقع
کانگریس میں اندرونی اختلافات دورکرنے کمیٹی تشکیل

انہوں نے کہا کہ کانگریس حکومت کے قیام کے 90 دن مکمل ہونے سے پہلے چار ضمانتوں پر عمل درآمد کیا گیا۔ انہوں نے کہا کہ باقی وعدوں کو لوک سبھا کے انتخابی ضابطہ سے پہلے نافذ کیا جائے گا۔ اس موقع پر چناریڈی نے سابقہ حکومت کی کارکردگی کو تنقید کا نشانہ بنایا۔

انہوں نے کہاکہ کے سی آر نے تلنگانہ ریاست کی تشکیل کے لیے لڑنے والے بے روزگار نوجوانوں کو نظر انداز کیا۔ پچھلی حکومت نے کالیشورم اور مشن بھاگیرتاکے نام پر بدعنوانی کی تھی۔ بی آرایس کے لیڈروں نے بکروں اور گائیوں کی تقسیم کے پروگراموں میں بھی بدعنوانی کی۔

انہوں نے کہاکہ کرشنا اور گوداوری کے پانی میں ریاست کا واجب الادا حصہ نہیں مل رہا ہے۔انہوں نے کہاکہ ریاست کی اصل اپوزیشن بی آرایس کے لیڈران کس منہ سے کالیشورم پراجکٹ کا دورہ کررہے ہیں۔ کے سی آر نے ریاست کی مالی حالت کو خراب کر دیا ہے۔