چھٹویں مرحلہ میں سہ پہر 3 بجے تک 49.20 فیصد ووٹنگ
مغربی بنگال میں ووٹنگ کی رفتار سب سے تیز چل رہی ہے جبکہ اتر پردیش میں سب سے کم رفتار دیکھی گئی۔ سہ پہر 3 بجے تک مغربی بنگال میں 70.19 فیصد ووٹنگ ہوئی جبکہ اتر پردیش میں 43.95 فیصد ووٹنگ ہوئی۔
نئی دہلی: لوک سبھا انتخابات کے چھٹے مرحلے میں آٹھ ریاستوں اور مرکز کے زیر انتظام علاقوں کی 58 سیٹوں پر ہفتہ کی سہ پہر تین بجے تک اوسطاً 49.20 فیصد ووٹنگ ہوئی۔ ان سیٹوں پر ووٹنگ صبح 7 بجے شروع ہوئی جو شام 6 بجے تک جاری رہے گی۔
مغربی بنگال میں ووٹنگ کی رفتار سب سے تیز چل رہی ہے جبکہ اتر پردیش میں سب سے کم رفتار دیکھی گئی۔ سہ پہر 3 بجے تک مغربی بنگال میں 70.19 فیصد ووٹنگ ہوئی جبکہ اتر پردیش میں 43.95 فیصد ووٹنگ ہوئی۔
الیکشن کمیشن کے ذرائع کے مطابق صبح سے ہی کئی پولنگ اسٹیشنوں پر ووٹرز کی لمبی قطاریں دیکھی گئیں۔ مغربی بنگال کے کچھ پولنگ اسٹیشنوں اور جموں و کشمیر کے پنج علاقے میں کچھ گروپوں کے درمیان معمولی جھڑپوں کے کچھ واقعات کو چھوڑ کر ہر جگہ پرامن طریقے سے ووٹنگ جاری ہے۔
الیکشن کمیشن نے ووٹروں کو گرمی سے نجات دلانے کے لیے پولنگ اسٹیشنوں پر سائبانوں اور پینے کے پانی وغیرہ جیسی سہولیات فراہم کی ہیں۔
