حیدرآباد
ٹرینڈنگ

اکبرالدین اویسی تلنگانہ اسمبلی کے پروٹیم اسپیکر مقرر

تلنگانہ اسمبلی کا اجلاس ہفتہ سے شروع ہونے والا ہے۔ یہ اجلاس 4 روز تک جاری رہے گا۔ نئے اسپیکر کے انتخاب تک اکبرالدین اویسی پروٹیم اسپیکر کے طورپر خدمات انجام دیں گے۔

حیدرآباد: مجلس اتحادالمسلمین کے لیڈرفلور اکبرالدین اویسی جو 6 بار قانو ساز اسمبلی کیلئے منتخب ہوئے ہیں کو تلنگانہ اسمبلی کا پروٹیم اسپیکر مقرر کیا گیا ہے۔ وہ ہفتہ کو نو منتخب ایم ایل ایز کو حلف دلائیں گے۔

متعلقہ خبریں
ویڈیو: ملک کے موجودہ حالات نازک : اکبر الدین اویسی
مدینہ منورہ کی عظمت، برکت اور ادب پر مفتی ڈاکٹر صابر پاشاہ قادری کا روح پرور بیان
زمین کے مسائل کا حل اب ایک کلک پر: بھو بھارتی پورٹل کی رونمائی جلد
کتاب کی سرورق کی رونومائی تقریب حسینی علم ڈگری کالج برائے نسواں میں انجام پائی
قرآن مسلمانوں کو تمام انسانیت کا احترام کرنے اور لوگوں کے ساتھ ہمدردی مہربانی اور انصاف سے پیش آنے کا درس دیتا ہے: مولانا حافظ پیر شبیر احمد

تلنگانہ اسمبلی کا اجلاس ہفتہ سے شروع ہونے والا ہے۔ یہ اجلاس 4 روز تک جاری رہے گا۔ نئے اسپیکر کے انتخاب تک اکبرالدین اویسی پروٹیم اسپیکر کے طورپر خدمات انجام دیں گے۔

اگر تجربہ کے حساب سے دیکھا گیا تو بی آر ایس سربراہ کے سی آر کو پروٹیم اسپیکر کے طورپر خدمات انجام دینا چاہئے کیونکہ وہ 8 ویں بار قانون ساز اسمبلی کیلئے منتخب ہوئے ہیں۔ لیکن آج اُن کولہے میں فریکچر آجانے کی وجہ سے اُنہیں ہاسپٹل میں داخل کرایا گیا ہے۔

ڈاکٹروں نے کے سی آر کو 8 ہفتوں تک آرام کرنے کا مشورہ دیا ہے۔ بی آر ایس سے پوچارم سرینواس ریڈی، دنم ناگیندر اور ٹی سرینواس  یادو، ایم آئی ایم سے اکبرالدین اویسی، کانگریس سے اتم کمارریڈی اور ٹی ناگیشوراؤ بھی سیناریٹی میں شامل ہیں۔

کانگریس کے دونوں لیڈروں نے وزیر کے طورپر حلف لے لیا ہے۔ چنانچہ ریونت ریڈی حکومت نے پروٹیم اسپیکر کی حیثیت سے اکبرالدین اویسی کو منتخب کیا ہے۔ اکبرالدین اویسی نے حکومت کی درخواست قبول کرلی ہے۔