تلنگانہ:خوفناک سڑک حادثہ میں تین افراد ہلاک

حیدرآباد: تلنگانہ کے ضلع رنگاریڈی کی بنڈلہ گوڑہ جاگیر سن سٹی میں پیش آئے ایک خوفناک سڑک حادثہ میں ماں، بیٹی کے بشمول تین افراد ہلاک اوردیگر چار شدید زخمی ہوگئے۔

ذرائع کے مطابق یہ حادثہ اُس وقت پیش آیاجب کار کے ڈرائیور نے اس کا توازن کھودیا اور یہ کار، چہل قدمی کرنے والوں سے ٹکراگئی۔زخمیوں کو علاج کے لئے فوری طورپر قریبی اسپتال منتقل کردیاگیا۔

حادثہ کے فوری بعد کار کا ڈرائیور کارچھوڑ کر فرارہوگیا۔

بتایاجاتا ہے کہ تیزرفتاری حادثہ کی وجہ ہے۔اطلاع ملتے ہی پولیس وہاں پہنچی جس نے ضابطہ کی کارروائی کرتے ہوئے لاشوں کو پوسٹ مارٹم کے لئے بھیج دیا۔

عینی شاہدین نے پولیس کو بتایا کہ کار تیز رفتار سے جارہی تھی جس کے نتیجہ میں اس کے ڈرائیور نے اس کا توازن کھودیا۔