چھتیس گڑھ میں خواتین کو سالانہ 15ہزار کی امداد:بگھیل

رائے پور: چیف منسٹر بھوپیش بگھیل نے آج یہاں کہا ہے کہ اگرچھتیس گڑھ میں کانگریس برسرِ اقتدارآئے توخواتین کو سالانہ 15ہزار روپئے کی امداد دی جائے گی۔

اس تعلق سے اعلان ایک ایسے وقت کیاگیا ہے جبکہ چھتیس گڑھ میں دوسرے مرحلہ کے انتخابات 17نومبر کوہونے والے ہیں۔ بھارتیہ جنتاپارٹی(بی جے پی) نے انتخابی منشور میں شادی شدہ خواتین کو سالانہ 12000 روپئے دینے کا وعدہ کیا ہے۔

چیف منسٹر بھوپیش باگھیل نے آج دیپاولی کے موقع پر خواتین کو بااختیاربنانے کیلئے ایک اہم فیصلہ کیا ہے۔

چھتیس گڑھ گروہالکشمی یوجنا کے تحت خواتین کو ان کے اکاؤنٹس میں سالانہ 15,000 روپئے کی امداد فراہم کی جائے گی۔ چیف منسٹر نے عوام کو دیپاولی کی مبارکباد بھی دی۔

اسمبلی کے 90 حلقوں میں سے 20 نشستوں کیلئے 7نومبر کو پہلے مرحلہ کی پولنگ ہوئی تھی اور باقی70 نشستوں کیلئے 17نومبر کو رائے دہی ہوگی۔