ہر ضلع کیلئے ایک میڈیکل کالج کا نشانہ، بچوں کا ڈاکٹر بننے کا خواب پورا ہورہا ہے: ہریش راؤ

حیدرآباد: تلنگانہ کے وزیرصحت ہریش راو نے کہا ہے کہ وزیراعلی کے چندرشیکھرراو کی جانب سے ہر ضلع کیلئے ایک میڈیکل کالج کے نشانہ کو پوراکرنے سے ریاست کے بچوں کا ڈاکٹر بننے کا خواب پوراہورہا ہے۔

مزدورکے بچوں، کسان کے بچوں، آٹوڈرائیور کے بچوں، کے ساتھ ساتھ کئی غریب افراد کے بچوں کے ڈاکٹر بننے کا خواب آج پوراہورہا ہے۔سوشیل میڈیا کے اہم پلیٹ فارم ایکس پر ایک ٹوئیٹ کرتے ہوئے وزیرموصوف نے کہا کہ حقیقت یہ ہے کہ بیشتر میڈیکل سیٹس خواتین کو بااختیاربنانے کا ثبوت ہیں۔

انہوں نے کہا کہ ان کی خواہش ہے کہ تلنگانہ حکومت کی جانب سے فراہم کردہ اس عظیم موقع سے استفادہ حاصل کرتے ہوئے طلبہ اپنی طبی تعلیم کو مکمل کریں اورغریب عوام کو بہتر طبی خدمات فراہم کریں۔انہوں نے میڈیکل کی نشستیں حاصل کرنے والے طلبہ کو مبارکباد پیش کی۔