امریکہ کو احساس ہو گیا ہے کہ مشرقِ وسطیٰ میں موجود رہنا اس کے مفاد میں نہیں: عباس عراقچی

تہران: ایران کے وزیر خارجہ عباس عراقچی نے کہا ہے کہ امریکہ کو اب یہ احساس ہو گیا ہے کہ مشرقِ وسطیٰ میں اپنی موجودگی برقرار رکھنا اس کے لیے فائدہ مند نہیں رہا۔

مسٹر عراقچی نے سوشل میڈیا پلیٹ فارم ایکس پر ایک پوسٹ میں لکھا، "اس جنگ کی بدولت امریکہ آخرکار اس نتیجے پر پہنچ گیا ہے کہ اس خطے میں موجود رہنا اس کے مفاد میں نہیں ہے۔”

انہوں نے مزید کہا، "اسرائیل کی ناراضگی کے باوجود اگر امریکہ کو اس خطے سے نکلنے کا کوئی راستہ ملتا ہے تو وہ اسے ضرور اختیار کرے گا، کیونکہ اسرائیل ہی امریکہ کو اس جنگ میں لے کر آیا تھا اور یہ ایک بڑی تباہی ثابت ہوئی۔ اسرائیل امریکہ کو صرف غیر ضروری تنازعات میں دھکیلتا ہے۔”