حیدرآباد

دریاوں کو مربوط کرنے سے ہی تلنگانہ کے بنجر علاقوں کو سیراب کیاجاسکتا ہے:کشن ریڈی

کشن ریڈی نے حیدرآباد میں کسانوں کی کانفرنس سے خطاب کرتے ہوئے کہاکہ ہر سال کئی ہزارٹی ایم سی پانی سمندرمیں ضائع ہورہا ہے اور دریاوں کو مربوط کرنے سے ہی ریاست کے بنجر علاقوں کو سیراب کیاجاسکتا ہے۔

حیدرآباد:تلنگانہ بی جے پی کے صدرو مرکزی وزیر سیاحت جی کشن ریڈی نے زوردیتے ہوئے کہا ہے کہ دریاوں کو مربوط کرنا ہی محبوب نگر، نلگنڈہ، میدک اور رنگاریڈی اضلاع کے لئے آبپاشی کے لئے مناسب پانی کی فراہمی کا حل ہے۔

متعلقہ خبریں
تمام ہندوں سے متحد ہوجانے کی اپیل: بنڈی سنجے
لوک سبھا الیکشن: ضابطہ اخلاق بہت جلد نافذ ہوگا: مرکزی وزیر کشن ریڈی
ٹی ڈبلیو اے ٹی کا میجسٹک ہوٹل نامپلی میں اجلاس
تلنگانہ میں گرمی کی شدت میں بتدریج اضافہ
تلنگانہ کی تباہی کیلئے کے سی آر اور ان کا خاندان ذمہ دار: ریونت ریڈی

انہوں نے حیدرآباد میں کسانوں کی کانفرنس سے خطاب کرتے ہوئے کہاکہ ہر سال کئی ہزارٹی ایم سی پانی سمندرمیں ضائع ہورہا ہے اور دریاوں کو مربوط کرنے سے ہی ریاست کے بنجر علاقوں کو سیراب کیاجاسکتا ہے۔

انہوں نے الزام لگایا کہ کرشنا واٹرڈسپوٹ ریڈریسل میکانزم میں تاخیرہورہی ہے کیونکہ تلنگانہ حکومت اس مسئلہ پر سپریم کورٹ سے رجوع ہوئی ہے۔ یہ کہتے ہوئے کہ این ڈی اے حکومت نے کسانوں کی بہبود کے لئے بیشتر اقدامات کئے ہیں، انہوں نے مختلف اسکیمات اور پروگراموں کی تفصیلات سے واقف کروایا۔