موسم برسات میں ان کھانوں سے ضرور بچیں،ورنہ آپ کی صحت بگڑسکتی ہے

حیدرآباد: برسات کے موسم میں نہ صرف گرمی سے سکون ملتا ہے بلکہ بیماریوں کا خطرہ بھی بڑھ جاتا ہے۔ اس موسم میں اپنی صحت کا خاص خیال رکھنے کی ضرورت ہے۔ بارش کے موسم میں وائرل فلو، ہیضہ، ملیریا اور انفیکشن کا خطرہ زیادہ ہوتا ہے۔

 اس لیے کھانے پینے کی عادات کا خاص خیال رکھنے کی ضرورت ہے۔ درحقیقت ان دنوں ہماری قوت مدافعت کافی کمزور ہو جاتی ہے۔ جس کی وجہ سے ہم جلدی بیماریوں کا شکار ہو جاتے ہیں۔ بارش کے دنوں میں قوت مدافعت کا ہونا بہت ضروری ہے۔

کیونکہ اگر قوت مدافعت مضبوط ہو تو ہم بیماریوں اور انفیکشن سے بچ سکتے ہیں۔ اگر آپ بھی اس موسم میں خود کو صحت مند رکھنا چاہتے ہیں تو بھول کر بھی ان چیزوں کا استعمال نہ کریں۔ تو آئیے جانتے ہیں وہ کون سی چیزیں ہیں جو بارش کے موسم میں نہیں کھانی چاہئیں۔

1۔ پتوں والی سبزیاں

بارش کے موسم میں سبز پتوں والی سبزیوں کا استعمال نہیں کرنا چاہیے۔ کیونکہ پتوں میں کیڑے بڑھنے لگتے ہیں اور ایسی صورت حال میں بیکٹیریل اور فنگل انفیکشن کا خطرہ کافی بڑھ جاتا ہے۔

2۔  سی فوڈ

مانسون کے دوران مچھلی یا دیگر سمندری غذا کھانے سے گریز کرنا چاہیے۔ دراصل برسات کا موسم زیادہ تر سمندری مخلوق کی افزائش کا وقت ہوتا ہے۔ اس موسم میں سی فوڈ کھانے سے فوڈ پوائزننگ کا خطرہ بڑھ سکتا ہے۔

3۔  سلاد

بارش کے دنوں میں کچا سلاد کھانے سے گریز کرنا چاہیے۔ اگر آپ کھانا چاہتے ہیں تو جو سبزیاں آپ سلاد میں استعمال کر رہے ہیں انہیں ابال کر کھائیں۔ ورنہ پیٹ سے متعلق مسائل آپ کو پریشان کر سکتے ہیں۔

4۔  باہر کی چیزیں

بارش کے دنوں میں باہر کی چیزیں کھانے سے گریز کریں۔ کیونکہ اس موسم میں سڑک کے کنارے ملنے والی چیزیں کھانے سے انفیکشن کا خطرہ بڑھ سکتا ہے۔ یہ چیزیں کھانے سے آپ بیمار ہو سکتے ہیں۔