تلنگانہ میں کار لاری سے ٹکرا گئی، دو افراد ہلاک، دو زخمی

کریم نگر: تلنگانہ میں جمعرات کی رات کریم نگر-پیڈاپلّی بائی پاس روڈ پر بومّاکل فلائی اوور کے قریب ایک کار سڑک کنارے کھڑی لاری سے ٹکرا گئی، جس کے نتیجے میں دو افراد کی موت ہو گئی اور دو دیگر زخمی ہو گئے۔

پولیس نے جمعہ کو یہ اطلاع دی۔ پولیس کے مطابق زخمیوں کو علاج کے لیے ایک نجی اسپتال میں داخل کرایا گیا ہے

جہاں ایک کی حالت نازک ہے۔ مرنے والوں کی شناخت طیب حسین (21) اور سید عبد الرحمن (19) کے طور پر ہوئی ہے۔ پولیس نے مقدمہ درج کر لیا ہے اور تحقیقات جاری ہیں۔