اغوا کی گئی 4 سالہ لڑکی کی عصمت ریزی

بریلی:اترپردیش کے ضلع بریلی کے کوتوالی تھانہ علاقے میں گھر کے باہر کھیل رہی چار سال کی معصومہ کا اغوا کر کے اس کے ساتھ عصمت دری کئے جانے کا معاملہ روشنی میں آیا ہے۔

سرکل افسر(اول)شویتا یادو نے بتایا کہ کوتوالی علاقے کے رہنے والے ایک شخص نے تحریر دے کر بتایا کہ ہفتہ کی شام تقریبا چھ بجے ان کی بیٹی گھر کے باہر کھیل رہی تھی۔

تھوڑی دیر بعد باہر آکر دیکھا تو بیٹی غائب تھی۔ آس پاس کے لوگوں سے جانکاری لی۔کافی تلاش کیا لیکن بیٹی کے بارے میں کوئی جانکاری نہیں مل سکی۔ فورا اس کی اطلاع کوتوالی پولیس کو دی گئی۔انسپکٹر کوتوالی ہمانشو نگم نے فورا پورے علاقے میں پولیس اور مخبروں کا جال بچھا دیا۔

دو گھنٹے بعد بچی بدحواس گھر واپس لوٹی اور اس کے کپڑوں میں خون لگا تھا۔ اہل خانہ نے بچی کے ساتھ عصمت دری کے شبہ کا اظہار کیا۔ کوتوالی پولیس نے معصوم کا میڈیکل کرایا۔ پولیس کل کے سی سی ٹی وی فوٹیج کی جانچ کررہی ہے۔