سی بی آئی‘سعودی عرب سے قتل کے مجرم کو ملک لے آئی

نئی دہلی۔12مارچ(آئی اے این ایس) سنٹرل بیورو آف انوسٹی گیشن (سی بی آئی) نے آپریشن ’ترشول‘ کے تحت محمد حنیف مکٹ کو سعودی عرب سے ڈپورٹ کرایا جو اغوا اور قتل کیس میں مبینہ ملوث ہے۔

 ذرائع نے آئی اے این ایس کو بتایاکہ حنیف کو انٹرپول کی مدد سے سعودی عرب سے ڈپورٹ کرایاگیا۔ مکٹ نے 2006 میں کریم نامی شخص کا اغوا وقتل کیاتھا۔ ارتکاب جرم کے بعد وہ سعودی عرب فرار ہوگیاتھا۔ سی بی آئی نے اس کے خلاف ریڈکارنرنوٹس جاری کردیاتھا۔

 سی بی آئی‘ آپریشن ترشول کے تحت 33بھگوڑے مجرموں کو جو ملک سے فرار ہوگئے تھے پکڑ کر لے آئی۔ آپریشن ترشول 2022 کے وسط میں شروع ہوا تھا۔ گذشتہ برس سی بی آئی 27بھگوڑوں کو بیرونی ممالک سے واپس لانے میں کامیاب رہی تھی۔

 جاریہ سال وہ 7بھگوڑے مجرموں کو ملک لے آئی۔ گذشتہ ہفتہ پرچند سنگھ گل کو جو 45ہزار کروڑ کے چٹ فنڈ اسکام میں ملوث تھا فیجی سے ہندوستان لے آئی تھی۔