دہلی میں غیر قانونی طور پر مقیم چھ افریقی شہری گرفتار
گرفتار غیر ملکی شہریوں کی شناخت کیمرون کے رہائشی فرینک فوچنگ، رومیو لوسیئن، نائجیریا کے رہنے والے سیموئیل، مالک فراڈے اور انوسا اور گھانا کے رہنے والے ایوانز ڈانسو کے طورپر ہوئی ہے۔
نئی دہلی: آؤٹردہلی پولیس نے غیر قانونی غیر ملکی شہریوں کے خلاف بڑے بڑی کارروائی کرتے ہوئے چھ افریقی شہریوں کو گرفتار کیا ہے۔
یہ کارروائی نہال وہار تھانے کے علاقے میں ہوئی، جہاں ایک چوکس پولس گشتی ٹیم نے انہیں موقع پر ہی پکڑ لیا۔ قانونی عمل کے بعد، تمام غیر ملکی شہریوں کو ان کی ملک بدری کی کارروائی مکمل کرنے کے لیے براہ راست متعلقہ فارنرز اتھارٹی (ایف آرآراو) کے حوالے کر دیا گیا۔
ڈپٹی کمشنر آف پولیس سچن شرما نے پیر کو کہا کہ دہلی میں غیر قانونی طور پر رہنے والے غیر ملکی شہریوں کے بارے میں بڑھتی ہوئی شکایات کے پیش نظر آپریشن کو تیز کیا گیا ہے۔ نہال وہار پولس اسٹیشن کی ایک ٹیم 10 اکتوبر ک چندر وہار علاقے میں گشت کر رہی تھی۔ اسی دوران ٹیم کو اطلاع ملی کہ کچھ غیر ملکی شہری بغیر قانونی دستاویزات کے ایک مکان میں رہ رہے ہیں۔
اطلاع ملنے پر ٹیم نے فوری طور پر گھر پر چھاپہ مارا۔ پولیس کو دیکھ کر تمام 6 غیر ملکی شہریوں نے فرار ہونے کی کوشش کی تاہم انہیں موقع پر ہی پکڑ لیا گیا۔ پوچھ گچھ پر، انہوں نے اپنے پاسپورٹ اور ویزا کے کاغذات پیش کرنے سے معذوری ظاہر کی۔ مزید تفتیش سے معلوم ہوا کہ ان کے ویزے کی میعاد ختم ہو چکی تھی اور وہ دہلی میں طویل عرصے سے غیر قانونی طور پر مقیم تھے۔
گرفتار غیر ملکی شہریوں کی شناخت کیمرون کے رہائشی فرینک فوچنگ، رومیو لوسیئن، نائجیریا کے رہنے والے سیموئیل، مالک فراڈے اور انوسا اور گھانا کے رہنے والے ایوانز ڈانسو کے طورپر ہوئی ہے۔
پولیس نے مالک مکان کے خلاف غیر ملکیوں کو پناہ دینے کا مقدمہ بھی درج کر لیا ہے۔ تمام چھ غیر ملکی شہریوں کو نریلا کے سیوا سدن، لامپور حراستی مرکز میں رکھا گیا ہے۔ ڈی پورٹیشن کا عمل ایف آر آر او کے ساتھ مل کر شروع کیا گیا ہے۔
ڈپٹی کمشنر نے کہا کہ دہلی پولیس کی ”زیرو ٹالرینس” پالیسی کے تحت کسی بھی شخص کو بغیر درست دستاویزات کے ملک میں رہنے کی اجازت نہیں ہوگی۔
پولیس اب اس علاقے میں غیر قانونی طور پر رہنے والے دیگر افراد کی شناخت کے لیے کام کر رہی ہے تاکہ ان کے خلاف بھی سخت کارروائی کی جا سکے۔
