جماعتِ اسلامی ہند ملک پیٹ کی جانب سے مفت میگا ہیلتھ کیمپ کا انعقاد
جماعتِ اسلامی ہند ملک پیٹ، سعیدآباد ڈویژن کے زیرِ اہتمام اور مسلم میٹرنٹی اینڈ چلڈرن ہاسپٹل کے تعاون واشتراک سے آج نیو ایرا انٹر نیشنل ہائی اسکول میں ایک مفت میگا ہیلتھ کیمپ کا انعقاد عمل میں آیا ، جو صبح 10 بجے سے شام 5 بجے تک جاری رہا۔
حیدرآباد: جماعتِ اسلامی ہند ملک پیٹ، سعیدآباد ڈویژن کے زیرِ اہتمام اور مسلم میٹرنٹی اینڈ چلڈرن ہاسپٹل کے تعاون واشتراک سے آج نیو ایرا انٹر نیشنل ہائی اسکول میں ایک مفت میگا ہیلتھ کیمپ کا انعقاد عمل میں آیا ، جو صبح 10 بجے سے شام 5 بجے تک جاری رہا۔
کیمپ میں امراضِ عامہ، امراضِ نسواں، امراضِ چشم، ہڈیوں کے امراض اور امراضِ اطفال کے ماہر و تجربہ کار ڈاکٹروں نے سیکڑوں مریضوں کی تشخیص کرکے دوائیں تجویز کیں ۔ ناظمِ ڈویژن جناب عبدالباری کے مطابق، بڑی تعداد میں مرد، خواتین اور بچوں نے اس کیمپ سے استفادہ کیا۔ مریضوں کے لیے جنرل لیب معائنوں کی سہولت بھی فراہم کی گئی تھی۔نیز بون ڈینسٹی ٹیسٹ کی سہولت بھی مہیا کی گئی تھی۔
اس موقع پر امیرِ مقامی جماعتِ اسلامی ہند ملک پیٹ جناب محمد مجیب الاعلیٰ اور جناب سید محمد عبدالقادر ناصر، وائس پریسیڈنٹ مسلم میٹرنٹی اینڈ چلڈرن ہاسپٹل عثمان پورہ، جناب محمد عمر مالک نیوایرا انٹرنیشنل ہائی اسکول اور جناب محمد عبدالودود سکریٹری الخیر ملک پیٹ نے انتظامات کا جائزہ لیا اور منتظمین و والنٹیئرز کے جذبہ خدمتِ خلق کی ستائش کی۔
