آندھراپردیش
چندرابابو کی گرفتاری کیخلاف تلگودیشم لیڈروں کی زنجیری بھوک ہڑتال جاری
پارٹی کے کارکنوں نے ان کی رہائی کیلئے پوجا بھی کی۔تلگودیشم، سی پی آئی اور جناسیناپارٹی کے لیڈروں نے اس معاملہ پر شدید برہمی کااظہار کرتے ہوئے الزام لگایا کہ وزیراعلی جگن موہن ریڈی مخاصمت کی سیاست کررہے ہیں۔
حیدرآباد: اسکل ڈیولپمنٹ اسکام میں تلگودیشم پارٹی کے قومی صدرو آندھراپردیش کے سابق وزیراعلی این چندرابابونائیڈو کی گرفتاری کو غیرقانونی قراردیتے ہوئے ان کو فوری رہا کرنے کا مطالبہ کرتے ہوئے ریاست کی اصل اپوزیشن تلگودیشم کے لیڈروں اور کارکنوں کی بڑی تعداد کی زنجیری بھوک ہڑتال ریاست کے مختلف مقامات پر جاری ہے۔
پارٹی کے کارکنوں نے ان کی رہائی کیلئے پوجا بھی کی۔تلگودیشم، سی پی آئی اور جناسیناپارٹی کے لیڈروں نے اس معاملہ پر شدید برہمی کااظہار کرتے ہوئے الزام لگایا کہ وزیراعلی جگن موہن ریڈی مخاصمت کی سیاست کررہے ہیں۔
ساتھ ہی چندرابابو کی گرفتاری کے خلاف بنگالورو میں بھی احتجاج کیاگیا۔بنگالورومیں تلگوتنظیموں کے احتجاج کی حمایت شہر کی عوامی تنظیموں نے کی۔
ہمیں فالو کریں
