یو پی ایس سی سیول سرویس امتحان کے لئے نوٹیفکیشن جاری

حیدرآباد: یونین پبلک سروس کمیشن (UPSC) نے سیول سرویس امتحان (CSE) 2024 کے لئے نوٹیفکیشن جاری کردیا ہے۔ رجسٹریشن کھلا ہے اور ابتدائی امتحان (پریلمنری) کے لئے درخواست داخل کرنے کی آخری تاریخ 5 مارچ 2024 مقرر کی گئی ہے۔

یو پی ایس سی نے کہا ہے کہ تقریباً 1056 خالی جائیدادوں پر CSE 2024 کے ذریعے تقررات کئے جائیں گے۔ ان جائیدادوں میں آئی اے ایس، آئی پی ایس، آئی ایف ایس اور دیگر عہدے شامل ہیں۔

یو پی ایس سی نے اس سال درخواست داخل کرنے کے عمل میں کچھ تبدیلیاں کی ہیں جن کا نوٹیفکیشن میں ذکر کیا گیا ہے۔ دلچسپی رکھنے والے امیدوار تفصیلی نوٹیفکیشن https://upsc.gov.in/ پر ملاحظہ کرسکتے ہیں۔