کرناٹک میں مسجد کے اندر جئے شری رام کا نعرہ لگانے والے گرفتار

دکشن کنڑا: کرناٹک کے ضلع دکشن کنڑا میں ایک مسجد میں مبینہ طورپر گھس کر جئے سری رام کے نعرے لگانے والے 2  افراد کو پولیس نے گرفتار کرلیا۔ ایک عہدیدار نے منگل کے دن یہ بات بتائی۔ گرفتار نوجوانوں کے نام کیرتن اور سچن بتائے گئے ہیں۔

 دونوں کی عمر 20 سال سے زاء بتائی گئی ہے۔ واقعہ اتوار کی رات پیش آیا۔ ملزمین جو موٹرسیکل پر سوار تھے‘ مسجد کے احاطہ میں گھس گئے اور جئے سری رام کے نعرے لگانے لگے۔ امام مسجد کے باہر نکلتے ہی وہ وہاں سے فرار ہوگئے۔

 مسجد میں لگے سی سی ٹی وی کیمرہ میں ملزمین کا فوٹیج قید ہوگیا۔ شکایت ملنے پر پولیس نے ملزمین کو ڈھونڈ نکالا اور گرفتار کرلیا۔ اپنی شکایت میں امام مسجد نے کہا کہ نوجوانوں نے مسجد میں گھسنے کے بعد جئے سری رام کے نعرے لگائے دھمکی دی کہ وہ بیاریوں (مسلمانوں) کو رہنے نہیں دیں گے۔ واقعہ سے کشیدگی پھیل گئی اور پولیس نے ملزمین کو پکڑنے ٹیمیں تشکیل دیں۔