حیدرآباد میں کہر کی گھنی چادر۔راجیوگاندھی ایرپورٹ پر روشنی میں کمی

حیدرآباد: تلنگانہ کے دارالحکومت حیدرآباد میں مسلسل دوسرے دن پیر کو کہر کی گھنی چادردیکھی گئی۔راجیوگاندھی انٹرنیشنل ایرپورٹ پرروشنی کم ہوگئی ہے۔

جاریہ موسم سرما کے دوران جنوبی ہند کے اس بڑے ایرپورٹ پر پہلی مرتبہ ایسا ہوا ہے۔شہرحیدرآباد کے بیشتر علاقوں میں کہر کے حالات بنے ہوئے ہیں جس سے گاڑی سواروں کومشکلات کاسامنا کرناپڑرہا ہے۔

حیدرآباد اور اس کے نواحی علاقوں میں درجہ حرارت میں کمی ہوگئی ہے۔شہر کی بی ایچ ای ایل فیکٹری کے قریب درجہ حرارت12.6ڈگری سلسیس درج کیاگیا جبکہ مولاعلی علاقہ میں درجہ حرارت 12.7ڈگری درج کیاگیا۔

گچی باولی میں درجہ حرارت 13.4ڈگری سلسیس درج کیاگیا۔محکمہ موسمیات کے مطابق آئندہ 5دنوں کے دوران حیدرآباد میں ایسے ہی حالات کے برقراررہنے کاامکان ہے۔