فن لینڈ مسلسل چھٹے سال دنیا کا خوش ترین ملک

ہیلسنکی: فن لینڈ نے مسلسل چھٹی بار دنیا کے سب سے خوش ملک کا خطاب برقرار رکھا ہے۔ ورلڈ ہیپی نیس رپورٹ 2023 نے پیر کو یہ اطلاع دی۔

رپورٹ میں کہا گیا ہےکہ "فن لینڈ مسلسل چھٹے سال دنیا کا سب سے خوش ملک ہے۔ سروے کے مطابق جنگ زدہ افغانستان اور لبنان دنیا کے دو ناخوش ترین ممالک ہیں، جہاں رہنے کی اوسط درجہ بندی ٹاپ 10 خوش ترین ممالک سے پانچ پوائنٹس سے زیادہ کم ہے۔

فن لینڈ کے علاوہ ٹاپ ٹین ممالک کی فہرست میں ڈنمارک، آئس لینڈ، اسرائیل، ہالینڈ، سویڈن، ناروے، سوئٹزرلینڈ، لکسمبرگ اور نیوزی لینڈ بھی شامل ہیں۔

مزید برآں، لتھوانیا 2017 کے بعد سے ٹاپ 20 میں داخل ہونے والا واحد نیا ملک ہے، جو 30 سے ​​زیادہ مقام پر تھا۔

‘ورلڈ ہیپی نیس’ رپورٹ 2012 سے ہر سال جاری کی جاتی ہے، جس کا تخمینہ رائے عامہ کے جائزوں کے نتائج کے ساتھ ساتھ فی کس آمدنی، سماجی حیثیت، متوقع عمر، شہری آزادیوں، ملازمتوں کے تحفظ، بدعنوانی کی سطح پر لگایا جاتا ہے۔