گجرات میں 10 قبائیلی طلباء کو مارپیٹ، اسکول ٹیچر معطل

ولساد(گجرات) : گجرات کے ولساد میں ایک سرکاری اسکول کے ٹیچر کو مبینہ طور پر تاخیر سے پہنچنے پر 10 قبائیلی طلباء کو مارپیٹ کرنے پر معطل کردیا گیا ہے۔

ولساد ڈسٹرکٹ پرائمری ایجوکیشن آفیسر بی ڈی باریہ نے اس شکایت پر کھڈکی موضع کے پرائمری اسکول کے چیف ٹیچر سوم راجنی بین مانت کو معطل کردیا کہ انھوں نے جمعہ کے دن تاخیر سے پہنچنے پر 10 قبائیلی طلباء کو مارپیٹ کی باریہ نے بتایا کہ ایک تحقیقاتی رپورٹ میں تصدیق ہوگئی ہے کہ چیف ٹیچر سوم راجنی بین نے کھڈکی پرائمری اسکول کے 10 قبائیلی طلباء کو مارپیٹ کی تھی۔

رپورٹ کی بنیاد پر انہیں معطل کیا گیا ہے اور ان کے خلاف محکمہ جاتی تحقیقات کی جائے گی۔

طلباء کے والدین کی جانب سے دھرم پور پولیس اسٹیشن میں درج کرائی گئی شکایت کے بموجب سرودیا آشرم شالہ میں مقیم اور کھڈکی موضع کے پرائمری اسکوم میں زیر تعلیم 10 طلباء صبح کے دعائیہ اجتماع کے لئے تاخیر سے پہنچے، چیف ٹیچر برہم ہوگئی اور چھڑی ٹوٹنے تک مارپیٹ کی۔

پولیس نے تعزیرات ہند اور جونیل جسٹس ایکٹ کے تحت کیس درج کیا ہے۔ پولیس نے ٹیچر کو ہفتہ کے دن گرفتار کرکے فرسٹ کلاس جوڈیشل مجسٹریٹ عدالت کے روبرو پیش کیا جس نے انہیں ضمانت منظور کی۔