حیدرآباد: شہرحیدرآباد کے ایل بی نگر میں پیش آئے سڑک حادثہ میں آبکاری کے سرکل انسپکٹر جاں بحق ہوگئے جبکہ سب انسپکٹر شدید زخمی ہوگیا۔
یہ حادثہ کل شب اُس وقت پیش آیا جب ایک تقریب میں شرکت کے بعد بائیک پرگھر واپس ہونے کے دوران ان کی بائیک کو تیز رفتار کار نے ٹکر دے دی۔
جاں بحق سرکل انسپکٹر کی شناخت صادق علی کے طور پر کی گئی ہے۔اس حادثہ میں ب انسپکٹر خواجہ ولی معین الدین شدید زخمی ہوگئے جن کو علاج کے لئے اسپتال منتقل کیاگیا۔
لاپرواہی سے کار چلانے کے سبب یہ حادثہ پیش آیا۔صادق علی چارمینارپولیس اسٹیشن میں سرکل انسپکٹر کے طورپر خدمات انجام دے رہے تھے۔
یہ دونوں ملک پیٹ علاقہ میں سرکاری کوارٹرس میں مقیم تھے۔اس حادثہ کے ساتھ ہی کارڈرائیور کارکو چھوڑ کر فرارہوگیا۔صادق علی کا تبادلہ دو دن پہلے ضلع میدک میں کیا گیا تھا۔
ہمیں فالو کریں
