حیدرآباد:پولیس کی گھر گھر تلاشی مہم۔کئی گاڑیاں ضبط

حیدرآباد: پرانا شہرحیدرآباد کے چادرگھاٹ پولیس اسٹیشن کے حدود میں کل شب پولیس نے گھر گھر تلاشی مہم چلائی۔

ڈی سی پی ساوتھ ویسٹ سی ایچ روپیش کی نگرانی میں شنکرنگر، پدمانگراوردیگر علاقوں میں یہ مہم چلائی گئی جس میں 200ملازمین پولیس نے حصہ لیا۔

اس مہم کا آغاز 5بجے شام ہوا جو شام 7بجے تک جاری رہی۔اس مہم کے دوران نامناسب دستاویزات پر 57ٹووہیلرس، 7تری وہیلرس کو ضبط کیاگیا۔

ساتھ ہی پولیس نے 164شراب کی بوتلوں کو بھی ضبط کرتے ہوئے شراب کی دو دکانات کے خلاف معاملہ درج کرلیا۔پولیس نے کہاکہ ریاست میں ہونے والے انتخابات کے پیش نظر ریاست میں ضابطہ اخلاق نافذ ہے۔

پولیس نے اسی کے پیش نظر عوام میں بھروسہ پیداکرنے کیلئے یہ مہم چلائی۔ڈی سی پی روپیش نے شہریوں سے خواہش کی کہ ضابطہ اخلاق کے پیش نظر گاڑیوں میں 50ہزارروپئے سے زائد رقم نہ لے جائیں۔

انہوں نے جرائم پیشہ افراد کو انتباہ دیتے ہوئے کہاکہ وہ غیر سماجی سرگرمیوں اور جرائم کی وارداتوں سے دوررہیں۔انہوں نے کہاکہ ضابطہ اخلاق کے نفاذ تک اسی طرح کی مہم مختلف مقامات پر چلائی جائے گی۔