کمارا سوامی کی جمعہ کو ممتا بنرجی سے ملاقات

کولکتہ: جنتادل ایس قائد ایچ ڈی کمارا سوامی‘ کولکتہ میں جمعہ کو چیف منسٹر مغربی بنگال ممتا بنرجی سے ملاقات کریں گے۔

ایک ہفتہ قبل ممتا بنرجی کی ملاقات سماج وادی پارٹی صدر اکھلیش یادو سے ہوئی تھی۔ ٹی ایم سی ذرائع نے چہارشنبہ کے دن یہ بات بتائی۔

کمارا سوامی کے ساتھ میٹنگ جمعہ کی شام 4 بجے ممتا بنرجی کی بھوانی پور والی قیام گاہ میں ہوگی۔ کمارا سوامی‘ ممتا بنرجی سے ملنے 24 مارچ کو کولکتہ آرہے ہیں۔ پارٹی کے ایک سینئر قائد نے یہ بات بتائی۔

اس نے شناخت ظاہر نہ کرنے کی شرط پر کہا کہ دونوں قائدین ملک کی موجودہ سیاسی صورت ِ حال پر تبادلہ خیال کریں گے اور2024 میں بی جے پی کو ہرانے کی راہ بھی تلاش کی جائے گی۔

ممتا بنرجی فی الحال اوڈیشہ میں ہیں اور جمعرات کے دن وہاں کے چیف منسٹر نوین پٹنائک سے ان کی ملاقات ہوسکتی ہے۔