آر جی آئی اے پر بڑی کارروائی، 25 کروڑ کی منشیات برآمد

حیدرآباد: کسٹمز حکام نے شمشا آباد میں واقع راجیو گاندھی انٹرنیشنل ایئرپورٹ پر ایک بڑی کارروائی کرتے ہوئے بینکاک سے آنے والے ایک مسافر کے سامان سے 25 کلوگرام ہائیڈروپونک گانجہ برآمد کر لیا۔

حکام کے مطابق مسافر کے سامان کی تلاشی کے دوران یہ ممنوعہ منشیات برآمد ہوئیں، جن کی بین الاقوامی مارکیٹ میں مالیت تقریباً 25 کروڑ روپے بتائی جا رہی ہے۔ ضبط شدہ منشیات کی شناخت ہائیڈروپونک گانجہ کے طور پر کی گئی ہے، جو جدید طریقوں سے اگائی جانے والی ایک نہایت طاقتور قسم ہے۔

کسٹمز حکام نے فوری کارروائی کرتے ہوئے اس معاملے میں دو افراد کو گرفتار کر لیا ہے۔

واقعے کی مزید تفتیش جاری ہے۔