رام مندر کے موضوع پر پیامات، عوام چوکس رہیں: سائبر سیکوریٹی

حیدرآباد: سائبر سیکوریٹی کی ڈائرکٹر شیکھا گوئل نے عوام کو ایودھیا کی رام مندر کے عنوان سے آنے والے مسیجس پر چوکس وچوکنا رہنے کا مشورہ دیا۔

آج یہاں صحافیوں سے بات چیت کرتے ہوئے انہوں نے کہا کہ پرسادم اور وی آئی پی انٹری پاس کی فراہمی کے نام پر دھوکہ دینے کیلئے سائبر مجرمین کی جاب سے کیو آر کوڈ تیار کیا گیاہے۔

انہوں نے کہا کہ عوام رام مندر کے نام پر دھوکہ بازوں سے خود کو محفوظ رکھنا چاہئے۔ اگر کوئی پرسادم فراہم کرنے یا عطیہ دینے کے لئے کیو آر کوڈ روانہ کرتا ہے تو فوری اس کی پولیس کو اطلاع دینا چاہئے۔

شیکھا گوئل نے کہا کہ ایودھیا کے نام پر نقلی ویب سائٹس بھی تیار کئے گئے ہیں۔ اگر مندر کے نام پر کوئی لنک بھیجی جاتی ہے اسے تو کلک کرنے سے گریز کریں اور فون نمبر 8712672222پر اس کی اطلاع دیں۔