میکسیکو نے اسٹیل اور آٹوموٹیو سیکٹر سے متعلق ٹیرف پر امریکہ کے ساتھ بات چیت جاری رکھنے کا کیا فیصلہ

میکسیکو سٹی: میکسیکو کی صدر کلاڈیا شین بام نے اپنے امریکی ہم منصب کے ساتھ ٹیلی فون پر بات چیت کے بعد اسٹیل، ایلومینیم اور آٹوموٹیو سیکٹر سے متعلق ٹیرف معاملے پر بات چیت جاری رکھنے کا فیصلہ کیا ہے

جمعرات کو اپنی روزانہ کی پریس کانفرنس میں، شین باوم نے کہا کہ اگرچہ گفتگو کا مرکز امریکہ-میکسیکو-کناڈا معاہدہ (یو ایس ایم سی اے) نہیں تھا، جس کا 2026 میں جائزہ لیا جائے گا، لیکن اس میں کچھ اہم شعبوں جیسے کہ آٹو موٹو صنعت، اور اسٹیل و ایلومینیم کی برآمدات سے متعلق امور پر بات چیت ہوئی۔

انہوں نے کہا ’’اصولی طور پر، ہم تجارت اور ٹیرِف کے بارے میں بات چیت جاری رکھے ہوئے ہیں۔ یاد رکھیں کہ آٹوموٹیو شعبے کے معاملے میں میکسیکو کے لیے ایک بہت ہی ترجیحی صورتحال ہے، اگرچہ ہم اس سے بھی زیادہ چاہتے ہیں … اور ہم اسٹیل اور ایلومینیم پر کام جاری رکھے ہوئے ہیں۔‘‘

انہوں نے کہا کہ اس بات پر اتفاق کیا گیا ہے کہ جمعہ کو تجارت پر ایک اعلیٰ سطحی اجلاس منعقد ہوگا جس میں میکسیکو کے وزیر اقتصادیات مارسیلو ایبرارڈ سمیت دونوں حکومتوں کے ارکان شرکت کریں گے۔