چھتیس گڑھ کے جگدل پور میں زلزلے کے ہلکے جھٹکے
ایک رپورٹ میں نیپال کے علاقے کے قریب زلزلہ کی سرگرمی بھی ریکارڈ کی گئی، جس میں جھٹکے کا مرکز کاکیناڈا سے 179 کلومیٹر شمال، راجمندری سے 192 کلومیٹر شمال-شمال مشرق، برہما پور سے 249 کلومیٹر مغرب-جنوب مغرب اور رائے پور سے تقریباً 313 کلومیٹر جنوب-جنوب مشرق میں بتایا گیا۔
جگدل پور: چھتیس گڑھ کے بستر ڈویژن کے ہیڈکوارٹر جگدل پور میں ہفتہ کی دیر رات زلزلے کے ہلکے جھٹکے محسوس کیے گئے۔
موصولہ اطلاعات کے مطابق رات 11 بج کر 32 منٹ پر آنے والے زلزلے کی شدت ریکٹر اسکیل پر 4.4 تھی اور اس کی گہرائی تقریباً پانچ کلومیٹر بتائی جارہی ہے۔ زلزلے کا مرکز اڈیشہ کے کوراپٹ علاقے میں رات 11:31 بجے ریکارڈ کیا گیا، جس کی وجہ سے چھتیس گڑھ کے جنوبی حصوں سمیت جگدل پور اور آس پاس کے علاقوں میں ہلکے جھٹکے محسوس کیے گئے۔
بین الاقوامی سیسمولوجیکل ڈیٹا کے مطابق حال ہی میں جنوبی ایشیائی خطے میں ہلکے سے درمیانے درجے کی شدت کے زلزلے ریکارڈ کیے جارہے ہیں۔
ایک رپورٹ میں نیپال کے علاقے کے قریب زلزلہ کی سرگرمی بھی ریکارڈ کی گئی، جس میں جھٹکے کا مرکز کاکیناڈا سے 179 کلومیٹر شمال، راجمندری سے 192 کلومیٹر شمال-شمال مشرق، برہما پور سے 249 کلومیٹر مغرب-جنوب مغرب اور رائے پور سے تقریباً 313 کلومیٹر جنوب-جنوب مشرق میں بتایا گیا۔ اس سے ظاہر ہوتا ہے کہ ہندوستانی پلیٹ اور آس پاس کے علاقوں میں ارضیاتی ہلچل جاری ہے۔
موسمیاتی مرکز، بستر میں تعینات ایک ماہر موسمیات ایچ پی چندرا نے بتایا کہ زلزلے اور موسم کا آپس میں کوئی تعلق نہیں ہے۔
زلزلے سے فی الحال کسی جانی یا مالی نقصان کی کوئی اطلاع نہیں ہے۔
