آندھراپردیش میں سڑک حادثہ،2نوجوان ہلاک

حیدرآباد:آندھراپردیش کے ضلع ایلورو میں پیش آئے سڑک حادثہ میں دونوجوان ہلاک اوردیگر دوشدیدزخمی ہوگئے۔یہ حادثہ ضلع کے دیندولورو منڈل میں اُس وقت پیش آیا جب دوبائیکس کا تصادم ہوگیا۔حادثہ اتنا شدید تھا کہ ایک نوجوان موقع پر ہی ہلاک ہوگیا۔

اس حادثہ میں زخمی تین افرادکو ایلورو کے سرکاری اسپتال منتقل کیاجارہاتھا کہ ایک نوجوان کی راستہ میں ہی موت ہوگئی۔بقیہ دوزخمیوں کو بہتر علاج کیلئے وجئے واڑہ کے اسپتال منتقل کیا گیا۔پولیس نے اس سلسلہ میں ایک معاملہ درج کرکے جانچ شروع کردی۔