چھتیس گڑھ میں سیکورٹی فورسز اور نکسلیوں کے درمیان جھڑپ جاری

نارائن پور: چھتیس گڑھ میں جمعرات کی صبح سے سیکورٹی فورسز اور نکسلیوں کے درمیان مڈبھیڑ جاری ہے۔ چھتیس گڑھ کے نکسل متاثرہ علاقے میں نارائن پور اور بیجاپور سرحد پر فوجیوں اور نکسلیوں کے درمیان شدید مڈبھیڑ جاری ہے۔

اس مڈبھیڑ میں کئی نکسلیوں کے مارے جانے کا اندازہ ہے۔ نارائن پور، دنتے واڑہ اور بیجاپور کے سرحدی علاقوں میں نارائن پور، دانتے واڑہ اور بستر کے ڈی آر جی، بستر فائٹرز اور ایس ٹی ایف کی مشترکہ فورس نکسل مخالف تلاشی مہم چلا رہی ہے ۔

اور اس دوران مشترکہ فورسز اور نکسلیوں کے درمیان وقفے وقفے سے مڈبھیڑ جاری ہیں۔ موصولہ اطلاعات کے مطابق نکسلیوں کے پاس جدید ہتھیار ہیں جس سے وہ سیکورٹی فورسز کو نشانہ بنا رہے ہیں۔