حالت نشہ میں پولیس ملازم کو لات مارنے کی کوشش، ایک شخص گرفتار

حیدرآباد: حالت نشہ میں ایک شخص نے سڑک پر ہنگامہ آرائی کی۔ یہ واقعہ شہرحیدرآباد کے بنجاراہلز علاقہ میں پیش آیا۔

پولیس نے حالت نشہ میں گاڑیاں چلانے والے افراد کے خلاف کل شب مہم چلائی۔

اس مہم کے دوران وہاں کار میں پہنچے شخص نے ٹریفک پولیس کے ساتھ نامناسب برتاوکیا۔

پولیس نے اس کا بریتھ انالائزر کے ذریعہ معائنہ کیا جس پر اس کے حالت نشہ میں ہونے کا پتہ چلا۔ پولیس کے ساتھ اس نوجوان نے جھگڑا کیا۔

اس نے ٹریفک پولیس ملازم کو لات مارنے کی کوشش کی اورکہا کہ وہ ہائی کورٹ کے جج کو جانتا ہے۔ ٹریفک پولیس نے بنجارا ہلز پولیس میں اس نوجوان کی شکایت کی۔

پولیس نے اس کے خلاف معاملہ درج کرتے ہوئے اس کو حراست میں لے لیا۔اس نوجوان کی شناخت گورو کے طورپرکی گئی ہے۔