ویڈیو: راہول گاندھی نے سڑک پر کھیلی کرکٹ

حیدرآباد: کانگریس لیڈر راہول گاندھی کی بھارت جوڑو یاترا کے موقع پر انہوں نے کرکٹ کھیلی کانگریس کے سابق صدر نے ایک لڑکے کی حوصلہ افزائی کیلئے ان کے ساتھ کرکٹ کھیلتے ہوئے بولنگ کی ان کی یاتراکے 57 دن مکمل ہوگئے ہیں تلنگانہ میں ان کی یاترا کامیابی کے ساتھ جاری ہے۔

یہ یاترا فی الحال ضلع سنگاریڈی میں جاری ہے۔انہوں نے آج رودر رام گنیش مندر سے اپنی پد یاترا کا آغاز کیا۔ اندول حلقہ کے سلطان پور گاؤں میں وہ رات میں توقف کریں گے۔

یاترا کے دوران راہول گاندھی مختلف دانشوروں، فنکاروں اور زندگی کے مختلف شعبہ جات سے تعلق رکھنے والی نمائندہ شخصیات سے ملاقات کررہے ہیں۔ساتھ ہی عوام کی بڑی تعداد اس یاترا میں شامل ہوتے ہوئے ان کا حوصلہ بڑھارہی ہے۔

راہول گاندھی عوام کے مسائل سے بھی واقفیت حاصل کررہے ہیں۔جگہ جگہ کانگریس کے لیڈروں کی جانب سے اسٹیج بناتے ہوئے ان کا استقبال کیاجارہا ہے۔