مودی کا ممبئی کشتی حادثہ پر اظہارغم، پی ایم این آر ایف سے ایکس گریشیا کا اعلان کیا

نئی دہلی: وزیر اعظم نریندر مودی نے بدھ کو ممبئی کشتی حادثے پر گہرے رنج و غم کا اظہار کیا ہے۔

سوشل میڈیا پلیٹ فارم ایکس پر ایک پوسٹ میں انہوں نے اس حادثے میں ہلاک ہونے والوں کے اہل خانہ سے تعزیت کا اظہار کیا اور زخمیوں کی جلد صحت یابی کی خواہش کی۔

انہوں نے کہا ہے کہ وہاں کی انتظامیہ متاثرہ لوگوں کی مدد کر رہی ہے۔

وزیر اعظم مودی نے کشتی حادثے میں مرنے والوں کے لواحقین کو وزیر اعظم کے قومی ریلیف فنڈ (پی ایم این آرایف) سے 2-2 لاکھ روپے کی ایکس گریشیا رقم دینے کا اعلان کیا ہے۔

زخمیوں کو 50-50 ہزار روپے دیے جائیں گے۔