تلنگانہ:ہیلمٹ پہننے والوں میں پھل اور نہ پہننے والوں میں پھولوں کی تقسیم، ٹریفک پولیس کا انوکھا پروگرام

حیدرآباد: گاڑیاں چلانے والوں کی جانب سے حفاظتی معیارات پر عمل کو یقینی بنانے کیلئے تلنگانہ کے راجنا سرسلہ ضلع میں ٹریفک پولیس نے انوکھا پروگرام شروع کیا ہے۔

ضلع کے تِپاپور میں ہیلمٹ پہننے والوں میں پھل اورہیلمنٹ نہ پہننے والوں کو پھول پیش کئے گئے۔اس موقع پر ٹریفک پولیس نے ٹریفک قواعد پر عمل کرنے پر زوردیا۔

اس پروگرام کی ویڈیوز وائرل ہوگئی ہیں جس میں ٹریفک پولیس کی جانب سے ٹریفک قواعد کی خلاف ورزی کرنے والوں میں پھل اور پھول پیش کرتے ہوئے ان کوقواعد سے واقف کروایاجارہا ہے۔

یہ پھل اورپھول قبول کرنے والے افرا دٹریفک پولیس کی اس مہم سے حیرت زدہ ہوگئے۔ساتھ ہی ٹریفک پولیس نے ٹووہیلرس پر گنجائش سے زائد افراد کو بٹھانے پر بھی گاڑیوں کو روکتے ہوئے ان میں بیداری پیدا کی۔

ٹریفک پولیس نے ٹریفک قوانین کی خلاف ورزی کرنے والے بعض نوجوانوں کے کان میں بھی پھول لگائے۔