تلنگانہ کی وزیر سیتااکا نے دماغی بخار سے متاثرنوجوان کی عیادت کی

حیدرآباد: تلنگانہ کی وزیر پنچایت راج سیتا اکا نے حیدرآباد کے نظامس انسٹی ٹیوٹ آف میڈیکل سائنسس(نمس) اسپتال میں زیر علاج کارتک نامی نوجوان کی عیادت کی جو گزشتہ کئی دنوں سے دماغ سے متعلق بیماری میں مبتلا ہے اور نمس میں زیر علاج ہے۔

 اس موقع پر وزیر سیتااکا نے طالب علم کارتک کے ارکان خاندان سے بات چیت کی اور کارتک کے والدین کی ڈھارس بندھائی۔ساتھ ہی انہوں نے اسپتال میں کارتک کو بہتر علاج کی سہولت فراہم کرنے کی ڈاکٹرس کو ہدایت دی۔