تلنگانہ کے ضلع نظام آباد کے شوروم میں ایک لاکھ روپئے کی چوری کی واردات

حیدرآباد: تلنگانہ کے ضلع نظام آباد میں کل رات ایک شوروم میں ایک لاکھ روپئے کی چوری کی واردات پیش آئی۔

چوروں نے اس واردات سے پہلے شوروم میں لگے سی سی ٹی وی کیمروں کو نقصان پہنچایا تاہم ان میں سے ایک کیمرہ محفظ رہا جس میں چور چوری کرتے ہوئے دیکھے گئے۔

یہ چور، پچھلے راستہ سے شوروم میں داخل ہوئے۔اس بات کی اطلاع شوروم کے مالکین نے پولیس کو دی جس کے بعد پولیس نے اس سلسلہ میں ایک معاملہ درج کرلیا اور سی سی ٹی وی فوٹیج کی بنیاد پر چوروں کی تلاش شروع کردی۔

پولیس کو شبہ ہے کہ اس واردات میں مہاراشٹرا کا گروہ ملوث ہے۔

اس ویڈیو فوٹیج میں دکھایاگیا کہ یہ چور اپنے چہروں پر نقاب لگائے ہوئے تھے۔