ترکیہ صدارتی انتخابات کا فیصلہ رن آف الیکشن میں ہوگا

انقرہ: ترکیہ صدارتی انتخابات میں اب فیصلہ رن آف الیکشن میں ہوگا۔ تفصیلات کے مطابق ترکیے میں صدارتی انتخابات کے لیے بیرونِ ملک ووٹنگ کا عمل مکمل ہو گیا ہے، 28 مئی کو دیگر بیلٹ باکسز کے ساتھ یہ ووٹ بھی کھولے جائیں گے، 30 لاکھ رجسٹرڈ ووٹر ز میں سے 10 لاکھ ووٹرز نے ووٹ کاسٹ کیے۔

ترک صدارتی انتخاب کے پہلے مرحلے میں 5 فی صد ووٹ لینے والے سنان اوغان اردوان کی حمایت کا اعلان کر چکے ہیں، جس کی وجہ سے کمال اوغلو کے لیے مشکلات بڑھ گئی ہیں۔

پہلے مرحلے میں صدر اردوان سمیت کوئی بھی امیدوار 50 فی صد ووٹ نہیں لے سکا تھا، اٹھائیس مئی کو دونوں امیدواروں میں رن آف الیکشن ہوگا، ترکیے کی سو سال کی تاریخ میں پہلی بار صدارتی انتخابات کا فیصلہ رن آف الیکشن میں ہوگا۔