نامعلوم افراد نے فٹ پاتھ پر محو خواب شخص کا قتل کردیا

حیدرآباد: شہرحیدرآباد کے علاقہ چکڑپلی میں نامعلوم افراد نے فٹ پاتھ پر سونے والے شخص کا قتل کردیا۔پولیس کے مطابق مقتول 65سالہ شخص باغ لنگم پلی میں فٹ پاتھ پر سورہا تھا کہ بعض افراد نے اس پر پتھرڈال کراس کا قتل کردیا۔

حملہ آوراس واردات کے بعد فرارہوگئے۔اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے بھیج دیا۔پولیس قریب میں لگے سی سی ٹی وی فوٹیجس کامعائنہ کررہی ہے تاکہ حملہ آوروں کی شناخت کی جاسکے۔