حلقہ اسمبلی گوشہ محل سے مکیش گوڑ کا بیٹا وکرم گوڑ بی جے پی امیدوار؟
وکرم گوڑ نے بتایا کہ وہ گوشہ محل حلقہ اسمبلی سے الیکشن لڑنے کے خواہشمند ہیں۔ میرے خاندان کا گوشہ محل حلقہ کے لوگوں سے 40 سال پرانا تعلق ہے۔ مجھے یقین ہے کہ یہاں کے لوگ میرا ساتھ دیں گے۔
حیدرآباد: گوشہ محل اسمبلی سیٹ موجودہ ایم ایل اے ٹی راجہ سنگھ کے بجائے سابق وزیر اور کانگریس لیڈر آنجہانی مکیش گوڑ کے بیٹے وکرم گوڑ کو دیئے جانے کی قیاس آرئیاں ہورہی ہیں۔
اس دوران بی جے پی کی ریاستی انتخابی مہم کمیٹی کے چیئرمین ایٹالہ راجندر نے جمعہ کو وکرم گوڑ سے ان کی رہائش گاہ پر ملاقات کی جس کے بعد یہ قیاس آرائیاں شروع ہوگئیں کہ بی جے پی نے انہیں (وکرم گوڑ کو) گوشہ محل حلقہ اسمبلی سے ٹکٹ دینے کا فیصلہ کیا ہے۔
بعد ازاں وکرم گوڑ نے مبینہ طور پر میڈیا کو بتایا کہ وہ گوشہ محل حلقہ اسمبلی سے الیکشن لڑنے کے خواہشمند ہیں۔ انہوں نے کہا کہ ’’میرے خاندان کا گوشہ محل حلقہ کے لوگوں سے 40 سال پرانا تعلق ہے۔ مجھے یقین ہے کہ یہاں کے لوگ میرا ساتھ دیں گے۔‘‘
وکرم گوڑ نے مزید کہا کہ اگر ضرورت پڑی تو وہ راجہ سنگھ کی بھی حمایت حاصل کریں گے۔ میں راجہ سنگھ کے گھر جاؤں گا اور ان سے مدد اور ان کا آشیرواد مانگوں گا۔
بی جے پی سے راجہ سنگھ کی معطلی کو منسوخ کرنے کے معاملے پر تبصرہ کرتے ہوئے انہوں نے کہا کہ یہ معاملہ بی جے پی کی مرکزی قیادت کے دائرہ کار میں ہے اور جلد ہی کوئی فیصلہ لیا جائے گا۔
انہوں نے کہا کہ پارٹی کو راجہ سنگھ کی خدمات کی بھی ضرورت ہے، لہذا قیادت اس سمت میں جلد قدم اٹھائے گی۔
