سڈنی میں شدید بارشوں کے باعث آنے والے سیلاب میں 20 افراد کو بچا یا گیا
انہوں نے کہا کہ سب سے زیادہ بارش ہارسلے پارک کے مضافاتی علاقے میں ہوئی جہاں ایک گھنٹے میں 77.6 ملی میٹر بارش ریکارڈ کی گئی۔
سڈنی: آسٹریلیا کے سب سے بڑے شہر سڈنی میں شدید طوفان کے دوران موسلا دھار بارشوں کی وجہ سے آنے والے سیلاب سے 20 سے زیادہ لوگوں کو بچا لیا گیا ہے۔
نیو ساؤتھ ویلز میں اسٹیٹ ایمرجنسی سروس (ایس ای ایس) کے اسٹورٹ فشر نے پیر کو ایک پریس کانفرنس میں بتایا کہ کل کے شدید طوفان کی وجہ سے مغربی اور وسطی سڈنی میں شدید بارش ہوئی، جس سے سیلابی صورتحال پیدا ہو گئی ہے اور سڑکوں اور پبلک ٹرانسپورٹ میں خلل پڑا ہے۔
انہوں نے کہا کہ سب سے زیادہ بارش ہارسلے پارک کے مضافاتی علاقے میں ہوئی جہاں ایک گھنٹے میں 77.6 ملی میٹر بارش ریکارڈ کی گئی۔
مسٹر فشر نے کہا کہ سیلاب کے پانی میں پھنسے 21 افراد کو بچا لیا گیا ہے لیکن یہ ’مایوس کن‘ ہے کہ ڈرائیوروں نے سیلاب کے پانی سے بچنے کے لیے وارننگ کو نظر انداز کیا۔
انہوں نے کہا کہ طوفان نے ہزاروں گھروں اور کاروباری اداروں کے لیے انٹرنیٹ سروس کو متاثر کیا۔
