اراضی تنازعہ، خاتون کو کھمبے سے باندھ کر زدوکوب کیا گیا

سنبھل (یو پی): سنبھل کے ایک دیہات میں اراضی تنازعہ پر پانچ افراد نے ایک خاتون کو کھمبے سے باندھ کر زدوکوب کیا۔پولیس نے بتایا کہ اس سلسلہ میں دو خواتین کے بشمول دس افراد کو گرفتار کیا گیا۔

جمعہ کے دن اس واقعہ سے متعلق ویڈیو سوشل میڈیا پر گشت کرنے کے بعد سیوراج بھورے، دیروج، شیری اور ایک خاتون منجو کو گرفتار کیا گیا۔ سپرنٹنڈنٹ آف پولیس چکریش مشرا نے یہ با ت بتائی۔

ویڈیو میں دیکھا گیا کہ پانچ افراد 7 سالہ بیٹی کے سامنے دیہات ورکواری کی رہائشی سنیتا کو زدوکوب کررہے ہیں۔

پولیس نے یہ بات بتائی۔ اپریل 26 کو خاتون کی جانب سے شکایت درج کرنے پر رجنیش، راجکمار، راجو، رشی پال عرف چھوٹے اور دو نامعلوم افراد کے خلاف تعزیرات ہند کے دفعات 323، 504 اور 506 کے تحت ایف آئی آر درج کیا گیا۔

پولیس نے مزید بتایا کہ بعد ازاں ایک خاتون تیج ونی اور چار افراد کے نام ایف آئی آر میں شامل کئے گئے۔

ویڈیو سوشل میڈیا پر وائرل ہونے کے بعد ایف آئی آر میں تعزیرات ہند کے دفعات 354، 342، 147 اور 149 کا اضافہ کیا گیا۔ ایس پی نے بتایا کہ تحقیقات کے دوران پتہ چلا کہ فریقین کے مابین اراضی تنازعہ جاری تھا۔